Tembung Saloka Bahasa Jawa

Tembung Saloka Bahasa Jawa

Tembung saloka yaiku unen-unen ajeh panggonane ngemu surasa pepindhan kang dipindahake wonge.

1. Asu belang kalung wang : Wong ala nanging sugih bandha.
2. Asu gedhe menang kerahe : Luweh dhuwur pangkate, luweh dhuwur panguwasane
3. Ati bengkong oleh oncong : Wong kang duwe niat ala, ana sing nyarujuki, oleh dalan
4. Baladewa ilang gapite : Kekuatane ilang
5. Bathok bolu (bolong telu) isi madu : Wong asor nanging sugih kapintaran
6. Bebek mungsuh mliwis : Wong pinter mungsuh wong pinter, sijine kalah trampil
7. Belo melu seton : Melu anut grubyung ning ora reti karepe
8. Beras wutah arang bali marang takere : Barang sing wis rusak angel pulih kaya asale
9. Cebol nggayuh lintang : Gegayuhan kang mustahil bisa kelakon
10. Cecak nguntal cagak : Gegayuhan kang ora timbang karo kekuatane
11. Dhandhang diunekake kuntul, kuntul diunekake dhandhang : Elek diunekake apik, apik diunekake elek
12. Dhemit ora ngulit, setan ora doyan : Tansah diparingi keselametan
13. Dom sumurup ing banyu : Laku sesidheman kanggo nyurumupi wewasi
14. Duka yayah sanipi : Wong kang nesu banget
15. Emprit abuntut bedhug : Perkara sepele dadi gedhe
16. Endhas gundhul dikepeti : Wis kepenak isi dienak-enake
17. Gagak nganggo lare merak: Wong cilik tumindak kaya wong gedhe
18. Gajah alingan suket teki : Lahir lan batine ora padha bakal ketara
19. Gajah ngidak rapah : Nerjang janjine dewe
20. Gajah perang karo gajah, kancil mati ing tengah : Wong gedhe kang padha pasulayan, wong asor kang dadi korban
21. Garang Garing : Wong sumugih nanging asline kekurangan
22. Gong lumaku tinabuh : Wong kang kumudu-kudu ditakoki, dijaluki piwulang
23. Iwak lemebu wuwu : Wong keno apus kanthi gampang
24. Jaran kerubuhan empyak : Wong kang wis kapok
25. Jati ketlusuban ruyung : Kumpule karo wong becik kelebon wong ala tumindake
26. Kacang ora ninggal lanjaran : Pakulinane anak lumrahe niru wong tuwane
27. Kakehan gludug kurang udan : Akeh ngomong ning ora ono buktine
28. Kandhang langit, bantal ombak, kemul mega : Wong kang ora duwe papan panggonan
29. Kaya banyu karo lenga : Wong sing mboten bisa rukun
30. Kebo bule mati setra : Wong pinter nanging ora ono sing merlokake
31. Kebo ilang tombok kandhang : Wis kelangan, iseh ngetokake ragat kanggo nggoleki
32. Kebo kabotan sungu : Rekasa jalaran kakehan anak
33. Kebo mulih ing kandhange : Wong lungo wis suwe, mbalek ning omahe meneh
34. Kebo nusu gudel : Wong tuwo jaluk warah wong enom
35. Kemladheyan ngajak sempal : Wong mondhok ngajak rusak
36. Kenes ora ethes : Wong sugih ning bodho
37. Kere munggah bale : Wong didadekake wong luhur
38. Kere nemoni malem : Wong sing serakah
39. Kethek saranggon : Sagerombolan wong kang tumindak ala
40. Klenthing wadhah masin : Angel ninggalake pakulinan kang ala
41. Kleyang kabur kanginan, ora sanak ora kadang : Wong kang ora duwe omah sing tetep
42. Kriwikan dadi grojogan : Perkara cilik dadi gedhe
43. Krokot ing galeng : Wong sing mlarat banget
44. Kurung munggah lumbung : Wong cilik didadekake wong gedhe
45. Kutuk marani sunduk : Njarak marani bebaya (bahaya)
46. Lahang karoban manis : Rupane bagus/ayu tur apik bebudine
47. Lambe satumang kari samerang : Ditururi bola-bali tetep wae ora nggugu
48. Legan golek momongan : Kepanak malah digawe rekasa
49. Ngalasake negara : Wong kang ora manut pranatane negara
50. Opor bebek mentas awake dhewe : Rampung saka dayane dhewe
51. Ora gonjo ora unus : Wong sing ala rupane lan atine
52. Palang mangan tandur : Dipercaya malah ngerusak
53. Pecruk tunggu bara : Dipasrahi tunggu sing dadi kesenengan
54. Pitik trondhol diumbar ing pedaringan : Wong ala dipasrahi nunggu barang pengaji, wekasan malah ngentek-enteki
55. Satru munggawing cangklakan : Mungsuh wong kang iseh sedulur
56. Sumur lamaku timba : Wong kang kumudu-kudu ditakoni
57. Tekek mati ulone : Nemu cilaka jalaran saka geneme dhewe
58. Timun mungsuh duren : Wong cilik mungsung wong duwe penguwasa
59. Timun wungkung jaga imbuh : Wong sing bodho kanggone mung yen kekurangan wae
60. Tumbak cucukan : Wong kang seneng adu-adu
61. Tumbu oleh tutup : Sampun cocok banget
62. Tunggak jarak mrajak, tunggak jati mati : perkara ala ngabra-ambra, perkara becik ming kari sethithik
63. Yuyu rumpung mbarong ronge : Omahe magrong-magrong, sejatine kekurangan

Referensi:

Sekolah Online

Kuliah Online